„Министерот за финансии, Кирил Миноски, да им соопшти на граѓаните што им кажал на претстатвниците на Светска банка и на ММФ вчера во Вашингтон – дали и какви мерки презeде Миноски за дуплираниот јавен долг, неодржливоста на ПИОМ и незначителниот економски раст.
Овие сериозни забелешки од меѓународните финансиски институции досега власта не само што ги изигнорира, туку и со предложениот неразвоен Буџет за 2017 дури ги продлабочува проблемите нотирани во последните извештаи на ММФ и Светска банка.
Веднаш по изборите, ќе биде донесен Буџет според потребите на граѓаните, а за сите непотребни милионски задолжувања на граѓаните, ќе има одговорност“, се вели во соопштението на Дополнителниот заменик министер за финансии, Кире Наумов, во врска со изјавата на Министерот за финансии при посетата на ММФ и Светска банка во САД.