Мнозинството Французи, околу 79 проценти, сметаат дека нивната куповна моќ во 2012 година е намалена, додека 77 отсто очекуваат нејзино дополнително намалување во 2013 година, покажува најновото истражување спроведено од националниот Институт за потрошувачка.
Куповната моќ во Франција во 2012 година е намалена за првпат во изминатите три децении, Французите сметаат дека нивната економска ситуација ќе се влошува и во текот на идната година и подготвени се дополнително да ги намалат трошоците, пренесува францускиот весник „Фигаро“.
Како причина за намалената куповна моќ, испитаниците го наведуваат зголемувањето на даноците, растот на цената на електричната енергија и цените за широка потрошувачка и горивата.
Истражувањето покажува дека речиси четвртина од граѓаните на Франција тешко врзвуваат крај со крај, од кои 48,4 проценти заработуваат помалку од 1.400 евра месечно.