Државниот завод за статистика денеска објави дека во февруари годинава во однос на февруари лани е намален прометот во групата „Трговија на мало со автомобилски горива“ (номинално за 2,7 проценти, а реално за 5,9 проценти).
Зголемен промет во февруари има во групите: „трговија на мало со храна, пијалаци и тутун“ (номинално за 8,3 проценти, а реално за 3,7 проценти), „трговија на мало со непрехранбени продукти, освен гориво“ (номинално за 7,7 проценти, а реално за 5,4 проценти) и „трговија на мало, освен трговија со горива“ (номинално за 8 проценти, а реално за 4,9 проценти).