МЗШВ: Голем интерес за јавниот повик за давање под закуп на земјоделско земјиште до 3 хектари, пристигнати близу 300 понуди

Вчера заврши рокот за поднесување на понуди за учество на јавниот повик за давање под закуп на земјоделско земјиште во државна сопственост до 3 хектари. До Министерството за земјоделство,шумарство и водостопанство заклучно со вчерашниот ден пристигнаа близу 300 понуди за учество на овој јавен повик. Со оглед на тоа дека дел од понудите се праќани по пошта, се очекува да пристигнат уште понуди и конечната бројка ќе се знае во вторник следната недела. Потоа ќе следува евалуација на пристигнатите понуди и склучување на договорите со земјоделците.

Се работи за повик на кој за разлика од огласите за кои што МЗШВ ги објавува расположливите парцели , сега им се овозможи на земјоделците доколку имаат информации каде има слободна земја, самоиницијативно да пројават интерес преку подготовка на геодетски елаборат и прибирање на сите потребни документи пропишани со јавниот повик.

Јавниот повик беше наменет за целокупното земјоделско земјиште во државата или за 34 региони. Целта на овој повик е да се стави во функција целото расположливо земјоделско земјиште, особено оние парцели што не се атрактивни и што се со понизок квалитет од 4,5,6,7 и 8 класа, а кои што можат да се искористат за производство. Со овој јавен повик се создаваат поволни услови, сите земјоделци кои веќе се занимаваат со земјоделство, оние што сакаат да го прошират своето производство или да започнат агробизнис, да склучат договор со МЗШВ и да дојдат до земјиште. На овој начин директно ќе се влијае врз зголемување на површините со обработливо земјоделско земјиште а со тоа и на производството на земјоделски производи. Воедно огласите за давање на земјиште под закуп се и основа за аплицирање за ИПАРД 2 програмата и ќе придонесат за зголемување на бројот на апликации за оваа програма.

Земјиштето за кое што ќе склучат договор треба да го искористат за подигање на долгогодишни насади, оранжерии, долгогодишни насади со лешник, маслинарници, други земјоделски култури за период до 15 години, ливади за период до 15 години, за брзо растечки дрвја, за рибници и за спортско-рекреативни активности и рурален туризам.

Би можело да ве интересира

До крајот на месецов земјоделците ќе можат да купуваат „зелена нафта“

Ана Ололовска

Намаленото производство ги крена цените на градинарските производи

Ана Ололовска

СДСМ: ВМРО-ДПМНЕ 11 години ги игнорираше земјоделците

Ана Ололовска

(ВИДЕО) Китев: Создаваме услови за окрупнување на површините и за зголемување на производството

Ана Ололовска

(ВИДЕО) Трипуновски: Заев и Николовски го урнисаа македонското земјоделство

Ана Ололовска

Со нови законски решенија до подобро и помасовно земјоделско задругарство

Ана Ололовска