Еврозоната нема „план Б“ во преговорите со Грција, изјави денеска еврокомесарот за економски и финансиски прашања Пјер Мосоковиси.
– Сите мислиме дека е можно изнаоѓање решение. Немаме „план Б“. Според Европската комисија, „план А“ е постигнување договор. Тоа е единствениот план на маса, изјави Московиси, откако вчера на состанокот на министрите за финансии на еврозоната, Еврогрупата и Грција не постигнаа договор за програмата за финансирање на Атина.
Европската комисија денеска соопшти дека змејите-членки на еврозоната работат на изнаоѓање решение и вети олеснување на целиот процес.
Брисел истовремено ги негираше тврдењата на грчкиот министер за финансии Јанис Варуфакис, дека на синоќешната средба на Еврогрупата бил разгледуван документ, кој Грците „биле на чекор да го потпишат“.
– Документи беа изготвени, но ниту еден не беше ставен на маса на разгледување, па поред тоа и непостои некаков документ што го отфрлила Грција, изјави францускиот министер за финансии Мишел Сапен.
ЕУ како единстевна изводлива опција го смета продолжувањето на актуелната програма за спас на Грција, која истекува на 28 февруари. Евроозната синоќа и постави ултиматум на Грција до петок самата да реши дали ќе побара продолжување на програмата за финансирање.