Меѓународниот монетарен фонд е подготвен да ја поддржи Србија преку финансиски аранжман или консултации, со цел да се намали долгот на среден рок, изјави Џејмс Роаф, претставник на ММФ за централна и источна Европа.
– Ние сме подготвени да ги поддржиме онака како што им одговара, истакна Роаф.
Тој додаде дека доколку Србија сака совет, ММФ ќе и го даде, а доколку сака финансиски аранжман и на тоа може да поработи.
Роаф истакна дека економскиот раст во регионот следната година би требало да биде повисок, но дека се уште постојат значителни ризици.
– Проценуваме дека речиси сите земји во регионот ќе имаат поголем раст следната година и тоа со помош на закрепнувањето во Западна Европа, додаде тој.