Во својата најнова проценка на балканската инфраструктура, Меѓународниот монетарен фонд најавува дека треба да се очекува зголемување на кинеските инфраструктурни инвестиции на Балканот. ММФ предупредува дека кинеските инвестиции може да доведат и до некои несакани ефекти.
– Кинеските проекти бараа третман надвор од вообичаените законски процедури, како што беше случај во Црна Гора, и без да се обрнува многу внимание како овие проекти ќе се одразат на државниот долг. Прекумерното потпирање на кинеските бизнисмени може да го ограничи ефектот на проектите врз домашните економии во текот на изградбата, пишува во проценката подготвена од ММФ.