Постигнат е напредок во преговорите за намалување на грчкиот долг. Тоа го изјави денеска портпаролот на Меѓународниот монетарен фонд, Џери Рајс.
ММФ објави „принципиелен договор“ минатата недела, со кој се дозволува активирање на планот за помош на Атина со другите кредитори.
Фондот продолжува да условува учество во финансирањето на државата со намалување на нејзиниот долг што е речиси 180 отсто од нејзиниот БДП.
– Принципиелен договор, што ќе биде претставен во ММФ до 27 јуни, не е најдоброто решение, но е неопходно повеќе време за преговорите, изјави Рајс.
Тој договор гарантира финансиска стабилност на Грција и обезбедува да биде избегната криза на плаќањата ова лето, кога Атина треба да исплати долг од седум милијарди евра кон кредиторите.