Во Народната банка на Србија денеска почнуваат официјални разговори со мисијата на Меѓународниот монетарен фонд (ММФ) за втора ревизија на стенд бај аранжманот со Србија во износ од 1,2 милијарди евра, јави Танјуг.
Мисијата на ММФ, предводена од Џејмс Руф, ќе престојува во Белград до 1 септември. Теми на разговорите со српските официјални претставници ќе бидат состојбата на јавните финансии и можностите за зголемување на пензиите и платите во јавниот сектор, кои се намалени од ноември 2014.
Се очекува ММФ да го одобри зголемувањето на плати и пензии, бидејќи дефицитот на Србија е помал од предвиденото.
ММф треба да анализира исто така како се исполнува договорот за реструктуирање на државните претпријатија како електродистрибутивната компанија, гасната компанија и државните железници.