Во рамки на традиционалната манифестација „Преспански јаболкобер 2017“, денеска симболично ќе биде откинато првото јаболко на овошниот насад во „Агроплод“, Ресен.
На настанот ќе присуствуваат министерот за земјоделство, шумарство и водостопанство Љупчо Николовски и градоначалникот Ѓоко Стрезовски.
Претходно, во црквата „Св. Кирил и Методиј“ ќе се одржи и литургија за благослов на плодовите, а на градскиот плоштад „Цар Самоил“ во текот на денот е предвидено одржување саемска презентација на земјоделски производи и механизација.
„Преспански јаболкобер 2017“ почна на 25 септември, а ќе трае до сабота, 30 септември.