Министерот за земјоделство, шумарство и водостопанство Михаил Цветков денеска ќе присуствува на жетва на ориз во село Чешиново. Парцелата на која ќе се врши жетвата е единствена со ориз во Македонија која има систем за наводнување „капка по капка“.
Овој современ начин на наводнување годинава првпат се примени во Македонија преку иницијативата „Одржливо производство на ориз“, спроведена од Проектот на УСАИД за експанзија на мали бизниси, во соработка со Програмата за заштита на природата (NCP) во Македонија, кофинансирани од Владата на Швајцарија.
Парцелата со ориз на чија жетва ќе присуствува министерот Цветков е сопственост на Јорданчо Лефков.