Претседателката на француската десничарска партија Национеален Фронт Марин ле Пен изјави дека ќе покрене кампања против обврската што Франција ја презеде во договор со веропските партенри за строги мерки на буџетско штедење.
„Еврото е грешка. Време е тоа да се поправи“, рече Ле Пен.
Таа наведе дека нејзината партија која има два пратеници во францускиот парламент ќе гласа против тие мерки и ќе организира кампања против таквите чекори.
Француската влада ќе мора оваа година да изнајде шест до десет милијарди евра во облик на нови фискални приходи за да ги исполни преземените обврски и да го намали буџетскиот дефицит на 4, 5 насто бруто општествен производ наместо 5, 2 насто колку што беше во 2011 година.