Меѓународниот монетарен фонд (ММФ) е подготвен да соработува со секоја влада, која ќе дојде на власт по изборите во Грција, што ќе се одржат во недела, изјави портпаролот на ММФ, Вилијам Мари за грчкиот весник „Етнос“.
– ММФ ги почитува демократските изборни процедури во Грција и не се меша во внатрените работи на земјата, истакна Мари.
Тој посочи дека ММФ очекува да продолжат преговорите со новата грчка влада за финансирање на земјата.
– Фондот има програма за Грција и ќе побара од новата влада во Атина да продолжат преговорите за финализирање на шестиот дел. Дали преговорите ќе продолжат зависи од одговорот на новиот грчки премиер. Ако одговорот е негативен тогаш ММФ ќе постапи како во случајот со Унгарија, ќе направи чекор назад и ќе се чека промена на владата или ја известиме со писмо, дека завршува програмата и исплатата на останатите транши, наведе Мари.
Тој наведе дека ММФ оценува оти е невозможна варијанта излегувањето на Грција од еврозоната.
– Прашањето за преструктуирање на грчкиот долг е сложено, како што изјави и директорката на ММФ Кристин Лагард дека преструктурирањето на долгот ќе биде со последици, потенцира Мари.