Хрватскиот национален авиопревозник „Кроација ерлајнс” ја заврши 2012 година со загуба од повеќе од 475.1 милиони куни (околу 62,5 милиони евра), а менаџерите на компанијата најавија отпуштање на 20 отсто од вработените.
Во „Кроација ерлајнс” денеска е одржан состанок на вработените и раководството во врска со реструктуирањето, кој работниците го напуштија. Тие не се согласуваат со проценката дека околу 20 проценти од вработените мора да ја напуштат компанијата.
– Не бегаме од фактот дека бројот на вработени треба да биде помал, но 20 проценти е премногу, бидејќи не постои можност тие да бидат заменети, изјави претседателот на Самостојниот синдикат на вработените во авионската индустрија, Томислав Рајковиќ.