Досегашниот директор на АД ЕСМ, Васко Ковачевски поднесе оставка од функцијата генерален директор, но ќе остане вработен во компанијата, а откако ќе го искористи годишниот одмор, заедно со Владата ќе проценат каде ќе биде ангажиран.
– Јас сум вработен во АД ЕСМ, прво ќе го земам одморот од 20 дена што ми следува а потоа по проценка на новиот менаџмент на ЕСМ и на Владата ќе процениме каде ќе бидам ангажиран во компанијата. Јас сакам да се посветам на семејството, на моите две деца кои имаат потреба за развој и дообразование и успешно менаџирање во приватниот бизнис – истакна Ковачевски.
Тој додаде дека е убеден дека како директор успешно ја менаџирал енергетската криза:
– Бројките покажуваат се, на крајот на денот проценката за нашата работа го врши надзорниот одбор, па премиерот и економските министри. Најважно од се е мислењето на граѓаните. Јас сум убеден дека успешно како држава и компанија ја менаџиравме кризата благодарение, пред се, на ангажманот на вработените во ЕСМ кои направија личен влог да се зголеми домашното производство.