Вкупно 14 милиони евра субвенции се доделени последните четири години на производители во Свети Николе и Лозово. Од овој регион произлезе и идејата за легализација на земјоделската механизација, рече денеска заменик министерот за земјоделство, шумарство и водостопанство Зоран Коњановски.
По посетата на општина Свети Николе, Коњановски нагласи дека нешто повеќе од една година се доставени 19.800 барања за легализација на тракторите.
– Земјоделците биле во право кога побарале од нас сериозно да размислиме за легализација на земјоделската механизација. Тоа важеше една година во законот, имаше важност до 30 септември, а сега доаѓа фаза кога со судовите треба да ги решиме сите барања, изјави заменик министерот.
Тој имаше средба со вработените во Подрачната единица на Министерството, градоначалникот Зоран Тасев, земјоделците и
Во наредниот период, како што информира, ќе се бараат начини како да се намали увозот на јунешко месо во земјава.
– Имаме квалитетна и здрава сточна храна што е предуслов за развиена индустрија каква што впрочем и имаме во однос на товениците. Со производството на свинско месо, Македонија не е увозно зависна, рече Коњановски.
Денешната посета е во рамки на серијата работни средби кои, според заменик министерот, се многу значајни за сите засегнати страни зашто од разговорите произлегуваат идеи и решавања на одредени проблеми.