На чекор сме до исполнување на едно од најважните изборни ветувања – просечна плата од 30.000 денари. Просечната плата исплатена за месец јануари 2022 година изнесува 29.980 денари, односно е за шест отсто повисока од истиот месец во 2021 година рече на прес конференција пратеничката на СДСМ Даниела Колева.
– Минималната плата веќе ја покачивме на 18.000 денари, што е зголемување за двојно повеќе во однос на времето на ВМРО-ДПМНЕ кога изнесуваше едвај 8.800 денари. Со најновото покачување на минималната плата, над 80.000 работници ќе добиваат по 3.000 денари месечно повеќе со мартовската плата која се исплаќа во месец април.Освен покачувањето на платите, пример за тоа е и пакетот антикризни мерки од 400 милиони евра со кои им се помага на граѓаните, но и на компаниите и кои веќе даваат резултат вели Колева.