Кинескиот производител на автомобили „Nanjing Jiayuan Electric Vehicles“ го патентираше новиот модел што е се само не е оригинален, барем кога станува збор за изгледот, пишува autoholik.net.
Малиот автомобил, имено, неодоливо потсетува на коцептниот „Smart Forspeed“, а како и нема да потсетува кога дизајнот на неговите светла и предната решетка, благо кажано, се копирани токму од оваа креација на германскиот производител.
Кинезите не застанале тука, туку по добро испробаната „copy-paste“ метода со BMW-oвите модели i3 i i8 го пресликале дизајнот, а потоа комплетниот автомобил го вкалапиле во габаритите на моделот „iQ“ на „Тојота“.
Техничките детали не се познати, што е вистинска штета, со оглед на фактот дека „Nanjing Jiayuan EV“ има повеќегодишно искуство во производството на електрични автомобили и автобуси.