Познатото црно такси, еден од симболите на Лондон преминува во рацете на кинеската компанија „Гили холдинг груп“.
Компанијата која веќе е сопственик на шведскиот автомобил „Волво“, соопшти дека ја купила и британската фирма „Магазин бронз холдинг“ која е произведувач на познатото британско такси.
Кинеската компанија наведува дека ја купила британската фирма минатата година кога таа прогласила банкрот, за нешто повеќе од 11 милиони фунти.
„Гили“ компанијата е една од амбициозните кинески произведувачи на автомобили, кои се свртеа кон странските технологии и марки, за да го забрзаат својот развој.
– Одлучивме да го вратиме успехот на овој познат модел, изјави претседателот на „Гили“ Ли Шуфу.
Популарното црно такси „ТХ4“ ќе се произведува во фабрика, во англискиот град Ковентри.