Од почетокот на сезоната до денеска извезени се над 3 милиони килограми праски од росоманскиот регион, кој важи за најголем производител на овој вид на овошје во Македонија.
Како што информираат од општината Росоман, најголем дел од праските се извезени во Русија, Полска, Украина и Белорусија. Голем дел од родот заминал и во поранешните југословенски републики.
Во тек е берењето на праските од најзастапените сорти „голд хевен“ и „фантазија“ од нектарините. Според овоштарите, квалитетот на праските е извонреден.