Изградбата на гасоводот „Јужен поток“ на територијата на Србија ќе почне до крајот на јануари, изјави српскиот министер за природни ресурси, рударство и просторно планирање, Милан Бачевиќ.
Тој рече дека првично најавениот почеток на изградбата е поместен, затоа што се чека доаѓање на некој од претставниците на Руската Федерација кои би присуствувале на свеченоста.
Бачевиќ рече дека се е подготвено за почетокот на работите и дека првобитниот план за стартот на изградбата на гасоводот на 20 декември 2012 е поместен по барање на „Србијагас“, како оперативен носител на работите.
– Министерството за просторно планирање во рамките на своите надлежности подготви просторно-плански документ за тој гасен систем, рече тој.
Бачевиќ потсети дека државата Србија има удел од 49 отсто во сопственост на над 470 километри гасовод кој поминува низ 21 општини, 11 градови и десет региони на Србија.