За СДСМ е срамно и неверојатно бидејќи Владата определила само 4 милиони за гасификација за цела 2013-та година.
„СДСМ бара 35 милиони од парите за корумпирање на медиумите да се пренасочат за гасификација. Македонија мора да се гасифицира.Срамно е што само 4 милиони евра се одвојуваат за гасификација. Само Струмица и Куманово повеќе инвестираа во гасификацијта. Ние ќе опстоиме на овој проект и ќе биде приоритет на идната Влада на СДСМ“, рече Игор Ивановски.
Сега се најавува ново покачување на струјата, рече Ивановски, потсети дека се зборува за гасификација а не за лансирање ракета или вселенска програма.
„Ова, е дијалог на глуви, како да зборуваме со ѕид. Не прифаќате ништо. Во буџетот нема ни денар за автопатите со кои се фалевте и сечевте ленти“, рече Ивановски.
СДСМ со овој аманман на буџетот бара парите за реклами, за административни згради , да се намалат парите за возила за МВР да се пренаменат за гасификација.
Мнозинството не го прифаќа ниту овој, како и сите досега предложени амандмани на опозицијата.