Итно повлечени сладоледи од пазарот во Македонија – имале зголемено присуство на етилен оксид

Од:

Агенцијата за храна и ветеринарство (АХВ) ги информира потрошувачите дека операторот со храна АЛМА М, врз основа на издадено решение од АХВ, од пазарот врши итно повлекување и отповикување на небезбедни производи односно сладоледи, поради утврдено зголемено присуство на етилен оксид.

Од пазарот се повлекуваат сладолед KIT KAT стапче со потекло од Франција, сладолед Милка Ванила и Чоколадо Стапче со потекло од Полска и сладолед Милка Чоколадно Стапче со лешник од Полска.

Причина за повлекување на сите сладоледи е дека претставуваат небезбеден производ поради присуство на етилен оксид кој е потенцијален ризик по здравјето на луѓето.

„Горенаведените производи, во количина од 3.080 литри и 30.064 парчиња, при контролата од инспекциските служби на АХВ, затекнати се во магацинот на увозникот. Небезбедниот сладолед е ставен под службен надзор, односно, забрането е негово ставање во промет“, соопшти АХВ.

АХВ апелира до потрошувачите кои ги имаат купено горенаведените производи со сериски број/лот, да не ги конзумираат и истите да ги вратат на местото од каде ги купиле или да ги уништат.

Би можело да ве интересира

Бабовски: Не е „во мода“ да имате миленик, туку да имате здравствено-заштитен, вакциниран миленик

Ана Ололовска

AХВ ги исклучи кучињата и мачките од кампањата „Стоп беснило”

Ана Ололовска

Убивале кучиња со чекан по глава за да земат награда од 500 денари во кампањата на АХВ „Стоп беснило“

Мери Јордановска

АХВ: Повлечени од употреба кремови за готвење и бази за сладоледи, не се безбедни

Во тек инспекциска контрола кај двајца увозници за сладоледите „сникерс“ и „твикс“ на „Дукатос“

Кампања на АХВ: Угинатите животни да не се допираат, туку да се пријават на апликацијата „Стоп беснило“

Ана Ололовска