Италија и Ирска имаат повеќе причини да ја напуштат еврозоната од Грција, а Германија веројатно има ограничен простор за маневрирање, со цел да спречи напуштање на монетарната унија од страна не некоја земја-членка, се оценува во анализа на „Банк оф Америка Мерил Линч“.
Стратезите за девизни пазари на банкара Дејвид Јо и Атанасиос Вамвакидис преку аналитичките методи „трошоци-профит“ и „теорија на игрите“ доаѓаат до заклучок дека инвеститорите ја потценуваат можноста за доброволно излегување на една или повеќе земји од еврозоната.
– Анализата покажува неколку изненадувачки резултати, кои може да бидат интересни за читателите кои не се согласуваат со нашите заклучоци, наведуваат стратезите во извештајот.
Италија, која е трета економија по големина во еврозоната, би имала поголема можност да изврши контролиран излез од монетарната унија отколку другите земји и би добила многу повеќе од зголемувањето на конкурентноста, економскиот раст и избалансираните финансии, тврдат аналитичарите.
Германија, од друга страна, е земја која може најлесно да ја напушти еврозоната, но и има најмала причина да го направи тоа, бидејќи надвор од еврозонаа ќе се соочи со помал раст, веројатно повисоки камати на обврзниците и негативни последици за буџетот, наведуваат стратезите.
Австрија, Финска и Белгија имаат малку причини да се откажат од заедничката валута, а меѓу економиите погодени од кризата, Шпанија има најголеми шанси да ја напушти еврозоната, сметаат експертите на „Банк оф Америка Мерил Линч“.