Најголемиот турски град Истанбул има Бруто домашен производ (БДП) вреден 256 милијарди долари, а осум балкански земји заедно имаат 253 милијарди долари, покажува истражување на Институтот за Блискиот Исток во Вашингтон.
Сонер Чагаптеј, директор на турската истражувачка програма на Институтот, објави на Твитер дека бруто домашниот производ во Истанбул е повисок од оној во Албанија, Бугарија, Босна и Херцеговина, Косово, Македонија, Србија, Хрватска и Црна Гора заедно.
Според податоците на Светската банка, БДП на Турција минатата година изнесувал 740 милијарди американски долари, а за илустрација, овој индикатор во БиХ во 2018 година бил 20,2 милијарди американски долари.
Истанбул има население од 15,5 милиони, а осумте земји заедно имаат вкупно 28,6 милиони жители.