Финска е решително против секаков обид за отпис на долгот на Грција. Тоа го изјави во интервју за Фајненшал тајмс, финскиот премиер Александер Стуб.
– Ние сме одлучни да кажеме „не“ за отпишување на грчкиот долг, предупреди Стуб.
Тој додаде дека за Финска апсолутно неприфатливи се изјави на грчки партии за финансиската помош на Грција.
Главната опозициска партија во Грција – радикалната левица Сириза, неколкупати објавуваше дека ако победи на изборите на 25 јануари ќе почне преговори за преразгледуавње на договорите со кредиторите на Грција.