Гувернерот на централната Банка на Франција, Кристијан Ноаје денеска предупреди на опасност од „хаос во Грција, каде „економијата се наоѓа пред банкрот“, доколку Атина и нејзините кредитори не успеат до недела да постигнат договор за финансисрање на земјата.
– Грчката економија е на прагот на катастрофа и затоа апсолутно е неопходно да биде постигнат договор до недела, по што ќе биде доцна и последиците ќе бидат тешки, изјави Ноаје.
Гувернерот истакна дека е „можно да има бунтови и хаос во земјата“.
Ноаје е и член на Управниот одбор на Европската централна банка, која го поддржува опстојувањето на грчките банки.