Голем е интересот кај кавадарчани и росоманци за обука за ИПАРД поддршката со субвенционирање на 60 проценти од инвестицијата, како и за програмата за грант за млади земјоделци од по 600 илјади денари, информира за МИА, Драганчо Николов, советник во подрачната единица на Агенцијата за поттикнување на развојот во земјоделството од Кавадарци.
– Досега околу 500 земјоделци имаат обезбедено механизација со поддршка, а околу 80 млади добија грант за земјоделци, рече Николов.
Тој нагласи дека континуирано ги информираат сите заинтересирани околу новините и сите програми за поддршка. Истовремено, во просториите на Агенцијата им стојат на располагање со одговори за сите нивни прашања во областа на земјоделството.