Германската Влада очекува Грција и нејзините доверители утре да најдат компромис за нов кредит, но нема гаранции дека Атина ќе добие намалување на долгот, се вели во изјавата на германското министерство за финансии.
– Очекуваме дека ќе бидеме во можност да се договориме за одржлив целосен пакет мерки, одговори денеска во Берлин портпаролот на министерството за финансии Јерг Вајсбергер на прашањето што очекува од утрешниот состанокт на министрите од еврозоната.
Како што јави дописникот на МИА од Берлин, според Вајсбергер, Германија останува на ставот дека овие мерки за Грција ќе можат да бидат усвоени дури по крајот на третиот пакет помош кој завршува идната година.