Германија стана водечка „земја бренд“ во светот, со што САД паднаа на второ место, покажуваат резултатите од проучувањето на пазарот.
САД пет години беа на првото место по лидерство според Индексот на национални марки на Анхолт-ГфК, со кој се проучува како луѓето ги восприемаат странските држави.
За имиџот на Германија помогнале спортот и медалите, посебно освојувањето на прво место во Светското првенство во фудбал во Бразил во јули годинава. Придонес има и политичкото лидерство во Европа, силната економија, како и високото залагање на меѓународен план.
Анхолт-ГфК, со седиште во Нирнберг, наведува дека Русија е единствената земја која бележи голем пад во глобалната репутација. Русија од 25 место по кризата во Украина падна на 50 место, пред се поради категоријата „мир и безбедност.
За истражувањето во јули испитани се 20.125 луѓе во 20 држави.