Москва, 7 мај 2015 (МИА) – Гасоводот „Турски тек“ ќе биде пуштен во употреба во декември 2016 година, соопшти шефот на „Газпром“ Алексеј Милер, пренесува ТАСС повикувајќи се на комунике на компанијата.
– Постигнат е договор за пуштање во употреба и достава на гас преку „Турски тек“ во декември 2016 година. Во распоредот за работа на проектот „Турски тек“ компанијата „Газпром“ ќе се базира на постигнатиот денеска договор, истакнува Милер во соопштението.