Германскиот министер за надворешни работи Зигмар Габријел се заложи за воспоставување на дополнителен фонд за инфраструктурни проекти на Западен Балкан, истакнувајќи дека Брисел треба повеќе да се ангажира и инвестира во овој регион.
-Мораме сега да ги забрзаме големите инфраструктурни проекти што се од економско значење. Проектите што имаат и специјално симболично значење како што се автопат меѓу Србија, Косово и Албанија. За тоа да се финансира, предлагаме да воспоставиме дополнителен фонд за инфраструктурни проекти, рече Габриел во излагањето на Осмата конференција на министрите за надворешни работи од југоисточна Европа „Аспен Институтот за економски и политички развој на регионот.
Габриел, исто така, укажа на значењето на засилувањето на регионалната соработка и изрази задоволство од позитивната динамика што ја создаде Берлинскиот процес, додавајќи дека треба да се интензивира.
Тој рече дека ја поддржува и економската интеграција на Западен Балкан, која ќе биде темелена на европските стандарди и со тоа ја олесни интеграцијата во ЕУ.
Како донатори на фондот, како што наведе, свој придонес може да дадат земјите членки на ЕУ, Европската аспоцијација за слободна трговија (ЕФТА) и Европскиот економски простор, се објави на сајтот на германското Министерство за надворешни работи.