Државниот долг на Франција во 2014 година ќе достигне рекордни 95,1 отсто, и покрај планот на претседателот Франсоа Оланд да се намали потрошувачката, објави Фигаро.
Владата во следната недела ќе соопшти дека долговите до крајот на 2014 година ќе бидат 1,95 трилиони или 95,1 отсто БДП.
Францускиот министер за финансии Пјер Московиси призна дека долговите ќе бидат „со максимална вредност и потоа ќе почнат да се намалуваат“.
Тој не даде прогноза за очекуван раст. Московиси ја обвини владата на Никола Саркози бидејќи долговите кога е формирана владата на Оланд во 2012 година биле поголеми од 90 отсто БДП.