Франција ќе и помогне на Грција да ги исполни финансиските обврски и да остане во еврозоната, изјави францускиот премиер Мануел Валс.
-Улогата на Франција треба да помогне грчкиот народ да остане во еврозоната, а исто така и да и помогне на Атина да ги исполни финансиските обврски во рамки на зацртаните правила. На сите ни е јасно дека нема место за политика на остра економија, која има улога на казнување и дека таа веќе не може да биде дел од планот за развој на европската заедница – рече тој.
Францускиот премиер најави дека официјален Париз во наредните денови ќе им понуди на партнерите во ЕУ докази и аргументи за предлози и идеи на претседателот Франсоа Оланд за извлекување на Европа од моменталната ситуација.
-Тие предлози и идеи ќе и овозможат на Европа повторно да заживее – заклучи Валс.
Е. Г.