Фирми на Мијалкови и на Трајче Заев должат над четири милиони евра за ДДВ: УЈП објави нова листа на должници

Од:

Управата за јавни приходи ја објави листата на должници на која се најдоа 5.474 фирми и граѓани кои имаат доспеани долгови до 31 август, а не ги платиле до 30 ноември. Долговите се по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини.

На Листата на должници бр.12/2023 објавени се 1832 должници – правни лица, повеќе за 17 од претходната листа и 3642 физички лица, помалку за 41 од претходната листа.

Вкупно објавениот нето долг во Листата бр.12/2023 изнесува 9.054.361.611 денари, (помалку за 12.727.343 денари од претходната листа). Нето-долгот за даноци и придонеси изнесува 8.846.892.326денари, (помалку за 53.396.335 од претходната листа), додека долгот за царински давачки е 207.469.285 денари (повеќе за 40.668.992 денари од претходната листа).

За физички лица вкупниот износ на долгот е повисок од 2.000 евра, а за правните лица повисок од 5.000 евра.

Топ-10 листата на должници ја предводи „Окитна Трејд“ од Визбегово која должи 648.746.023 денари по основ на ДДВ.

Втора е подружницата на чешката фирма со руски сопственик, „СГСМ Оил Гас Сервис“ која должи 222.598.613 денари, односно над 3,5 милиони евра. Трето е Јавното комунално претпријатие Гостивар кое должи околу 2,36 милиони евра.

Следува „Дивелоп Груп ДОО Скопје“, компанија во чија сопственост е хотел „Мериот“ , со долг од 2,1 милиони евра односно 130,7 милиони денари за ДДВ и данок на добивка. „Дивелоп Груп„“ е во сопственост на „Бест Веј“ фирма на синот на Сашо Мијалков, Јордан, како и на Александар Ивановски познат како Алек Теранова. Управител на „Гранд Хотел доооел Скопје“ која управува со хотел „Мериот“ е поранешниот заменик министер за внатрешни работи, Иво Котевски.

Меѓу најголемите десет должници е фирма на Трајче Заев, братучед на Зоран Заев која е деловно неактивна и има еден вработен, но должи два милиони евра за ДДВ. Оваа компанија е всушност струмичката фирма „Фероцем Плус ДОО Струмица“ основана во јуни 2017 година од Трајче Заев и Јанко Јанев. Таа фирма е преименувана во „Абира Плус ДООЕЛ“ со седиште од Струмица во Куманово, два месеца откако се затвора „Еуростандард банка“ во која должи околу 360.000 евра. Фирмата добива и нов сопственик и управител, Родна Димова која е холандски државјанин.
Меѓу останатите најголеми должници се „Мил-Давит ДОО Скопје“, „Хотел Гранд ДООЕЛ Скопје“, турската „Спектра Јеотек“, од Кратово, „Блек Си Метал Трејдинг“ од Скопје и Центарот за култура од Тетово, „Иљо Антески Смок“.

Би можело да ве интересира

Петрова ја презеде директорската функција во УЈП

Елена Петрова нов директор на УЈП, Бобан Николовски на Царинската управа

УЈП ја објави новата листа на должници: 1801 фирма и 3606 граѓани должат 160 милиони евра

Орце Костов

Продолжување на рокот за поднесување ДДВ-04 пријави и надградба на ситемот е-ПДД

ВМРО-ДПМНЕ: Лукаревска место да поднесе кривична пријава до фирмите за криминал тежок над 22 милиони евра, таа ги става на листа на должници

Реакција на УЈП на прес-конференцијата на портпаролот на ВМРО-ДПМНЕ