Финска побара, даночните обврзници во еврозоната, да бидат поштедени во иднина од спасување на неуспешните банки.
„Секаде во Европа, мора да се движиме кон нормална пазарна економија, во која сопствениците и инвеститорите ги сносат загубите во случај на пропаѓање на банката“, изјави финскиот премиер Јирки Катаинен за време на својот говор за Европа во Хелсинки, а пренесе Франс прес.
Катаинен изрази надеж дека на европската банкарска унија, чие формирање е во тек, тоа ќе и послужи како основен принцип, или во спротивно „ќе се задржи актуелната ситуација, каде што даночните обврзници плаќаат за пропаста на банките“.
Според плановите за формирање на банкарска унија, се предвидува формирање механизам за спас на проблематичните банки, во кој акционерите, доверителите и големите депоненти, ќе ги сносат трошоците за реструктуирање на банките.