Германскиот сојузен Уставен суд денеска и утре ќе расправа по повод критиките на фондот за спас на еврозоната, во текот на што судиите ќе ја разгледаат и минатогодишната понуда на Европската централна банка (ЕЦБ) да купи неограничен број државни обврзници со цел да се намалат трошоците за задолжување на тие земји.
Членот на Управниот одбор на Европската централна банка Јерг Асмусен предупреди дека укинувањето на програмата за купување државни обврзници од ослабените земји членки на ЕУ ќе има негативни последици.
Асмусен за германскиот весник „Билд“ изјави дека програмата за купување на обврзници е „економски неопходен, правно прифатлив и ефикасен“, како и дека укинувањето на оваа програма би можело да има значителни последици.