Германската компанија Дрекслер Мајер во понеделник со Владата ќе го потпише договорот за почнување со реализација на инвестицијата во Република Македонија вредна 30 милиони евра. Компанијата ќе отвори фабрика за производство на делови за Мерцедес, која ќе вработи 4.000 лица. Ова го најави премиерот Никола Груевски, кој рече дека станува збор за инвестиција која директно ќе вработи луѓе во кавадаречкиот регион, односно од Негоитно, Демир Капија, Кавадрарци и сите населени места што гравитираат кон овој регион.
Тој потсети дека оваа инвестиција е резултат на процес кој се води подолг период, а последната средба со оваа комапнија ја имале на Роуд шоуто во Германија каде организирале и посебна работна средба со раководството на компанијата. На таа средба биле поставени многу прашања за детали со кои тие можеби ќе се судрат во иднина. Комуникацијата ја продолжиле и потоа, за да финишира во понеделник со потпишување на договорот со кој постепено ќе се вработат 4.000 луѓе, посочи премиерот Никола Груевски.