Компанијата „Агрокор“ денеска соопшти дека до 31 март нејзините долгови достигнале 40,4 милијарди куни, односно околу 5,4 милијарди евра.
Во оваа сумата не е пресметан билансот на „Меркатор“ и фирмите поврзани со овој словенечки трговски ланец.
Долгот по доспеани камати, останати заеми, резервации, одложена даночна обврска и останато, не го покажуваат влупното задолжување на целокупната групација, туку само долговите на најголемите 19 друштва во рамки на „Агрокор“.
На 13 април 2017 година „Агрокор“ со гаранции од одредени фирми кои се дел од концернот, зел кредит од 80 милиони евра, што не е прикажан во извештајот и бил користен како обртен капитал.
Во „Агрокор“ се оградуваат дека и понатаму ги проверуваат потенцијалните неправилности во финансиските извештаи и поради тоа не е можна ревизија и на тие податоци.
На почетокот на април, Хрватскиот сабор донесе посебен закон, популарно наречен „Лекс Агрокор“, за спас на компанијата од банкрот.