Првите субвенционирани кредити од Владата на Република Македонија за проектот „Купи куќа, купи стан“ ги додели денска вицепремиерот и министер за финансии Зоран Ставревски.
Вредноста на доделените кредити е 1.447.614 евра, од кои одобрените субвенции се 271.239 евра. Субвенцијата за моделот половина рата е 242.948 евра, додека за вториот модел за половина учество субвенциите изнесуваат 28.291 евра.
Од доделените кредити 38 се за купување нов стан, пет за изградба на нова куќа, три за поголем стан и четири за надградба на куќа.
Можноста за апликација за проектот „Купи куќа, купи стан“ е до 31 мај.