Меѓународната агенција за кредитни рејтинзи ДБРС најави дека ќе отвори нова канцеларија во Франкфурт, и во неа ќе префрли дел од својот персонал сега лоциран во Лондон.
ДБРС е една од четирите рејтинг агенции кои имаат одобрување за работа од Европската централна банка, и за да го задржи овој статус, компанијата мора да има седиште во ЕВропската унија. Ова е уште една во низата најави на финансиски компании дека ќе преместат дел од своите канцеларии од Британија по британското повлекување од Европската унија.
Европскиот регулатор на финансиската индустрија ЕСМА ги повика компаниите кои работат на определување кредитни рејтинзи да ги најават нивните планови во врска со Брегзит до крајот на 2018 година.