Грчкиот премиер Алексис Ципрас апелираше до Меѓународниот монетарен фонд и европските кредитори да се договорат за мерките за грчкиот долг пред истекот на рокот за згаснување на дел од долгот на земјата.
– Очекуваме решение во јуни, истакна Ципрас, додавајќи оти „Атина, исто така, очекува јасни насоки за олеснување на сериозното бреме од долгот“.
Кредиторите од еврозоната и од ММФ спорат како да продолжат да и помагаат на Грција, која е во третата програма за спас по финансиската криза во 2010 година.
ММФ проценува дека ситуацијата во Грција е тешка и бара олеснување на долгот, а Германија е против тоа на краткорочен план. Несогласувањето меѓу Германија и ММФ ги спречија кредиторите на 22 мај да и дадат на Грција нова транша од програмата за спас. Нова можност за договор е средбата на министрите од еврозоната на 15 јуни. Грција треба да врати шест милијарди евра во јули.