„Jeep Grand Cherokee“, едeн e од зачетниците на класата возила за лошите момци, посебно беше посакуван во овие краишта кон крајот на деведесетите години на дваесетиот век. Со појавата на „Audi Q7“, „BW Touareg“, „BMW X6“, „Porsche Cajanne“ и осебено на „Мерцедес МЛ“, „Чироки“ веќе не беше толку опасен.
Сепак, во компанијата сакаат стандардниот „Чироки Либертѕ“, во 2014 година во САД повторно да добие „погруба фаца“.
Официјалните фотографии од новиот модел штотуку се претставени и мораме да признаеме дека оставаат без текст.
Чифт фарови и голем отвор за воздух, нагласен со рамка со боја на хром ќе направат новиот „Чироки“ или да ви се допадне или да ви стане одвратен.
Американските медиуми веќе пренесоа дека новиот „Чироки“ е кандидат за наследник на „Понтијак Ацтек“, еден од најгрдите автомобили на модерното време.
На некои новинари им наликува на „сом кој се мачи со киселина“. Во секој случај, новиот „Cherokee“ ќе биде претставен кон крајот на март на Саемот на автомобили во Њујорк.
Според производителот, „Cherokee“ ќе ги поставити новите стандарди во класата во однос на способностите надвор од асфалтот. Се нагласува дека возната динамика на асфалтните патишта, исто така, ќе биде водечка во класата, додека потрошувачката на гориво ќе биде 45 отсто пониска во однос на моделот на заминување.
Новиот модел ќе биде поставен на CUSW платформа, што ја дели со моделот „Dodge Dart“, која своите корени ги влече од „Alfa Giulietta“.
Под хаубата најверојатно ќе се најде 3,2 V6 бензински мотор, а во понудата треба да се најдат и неколку „четирицилиндраши“.