Четврти ден по ред се одлага комисиската расправа за буџетот.
Иако беше најавено дека денеска ќе продолжи и ќе се одржи седница, собраниските служби информираа дека таа нема да се работи ниту денеска.
Причината е поради отсуство на пратениците на ВМРО-ДПМНЕ, кои и официјално од денеска најавија дека нема да учестуваат на седниците и ќе ги користат деловничките средства кои им стојат на располагање за бојкот.
Инаку, досега се одржа само една расправа во понеделникот, кога официјално почна општиот претрес по предлог-буџетот за 2018 година. Согласно со Деловникот, комисиската расправа треба да трае 10 работни дена.