Гувернерот на Народна банка, Димитар Богов, соопшти дека предвидениот економски раст нема да се оствари и дека последиците од политичката криза веќе се чувствуваат.
-Ние во април излеговме со проекција од 4.1 процент економски раст за оваа година. Веќе е јасно е дека тој нема да се оствари, односно ќе биде понизок. Во моментов ги работиме проекциите и за недела до две ќе излеземе јавно да кажеме колку се нашите најнови очекувања за економскиот раст за оваа година, а и за наредната, изјави Богов.