Компанијата за преработка на маслодајни семиња „Благој Ѓорев” АД од Велес, во првиот квартал од оваа година оствари нето добивка од 2,6 милиони денари.
Компанијата која минатата година го одбележа својот јубилеен 90-ти роденден, во овој период остварила вкупни приходи од продажба во висина од 127,3 милиони денари, од кои најмногу на домашниот пазар – 118,3 милиони денари.
Во изминатиот период компанијата ги интензивираше напорите за пласман на производите на странски пазари и склучи договор за соработка и со деловните партнери во Црна Гора, а ќе реализира и поголем извоз во Албанија. Трета година веќе извезува во Босна и Херцеговина. На странските пазари го пласира маслото за јадење Кристал, повеќе видови маргарини, како и други производи од асортиманот на компанијата, соопшти „Благој Ѓорев“.