Рускиот гас ќе остане конкурентен и кога ќе се зголеми производството на гас од шкрилци, изјави рускиот министер за економски развој Андреј Белоусов.
Тој наведе дека гасот од шкрилци е скап и не е конкурентен на рускиот гас, како и тоа дека производството на таквиот гас е штетен по животната средина.
– Во целина уделот на гас од шкрилци на пазарот ќе порасте, но постои и зголемена побарувачка од Кина и од Југоисточна Азија. Најважно е Русија да има огромни резерви на евтин гас, а со тоа обезбедила долгорочни достави до Европа и има огромен домашен пазар како „сигурна перница, посочи Белоусов.