Бектеши: Штетата од забраната за извоз на компири и мед во Косово е речиси нула

Од:

Нема да претрпиме речиси никакава штета од забраната за увоз на компири и мед од земјава во Косово, а наметнатата бариера нема да има никакво влијание на македонската екомомија, оцени денеска министерот за економија Крешник Бектеши.

Тој нагласи дека веќе е реализиран околу 70 отсто од извозот на овие два производа во Косово и додаде дека по воведувањето на забраната се добиени дозволи за извоз на компири и мед на европските пазари.

-Штетите за македонската економија од забраната за извоз на компири и мед во Косово речиси се нула, имајќи во предвид дека нашите производи можат да се извезуваат и на други пазар, особено медот. Во рок од еден месец по воведувањето на забраната веќе ги исполнивме и сите услови и компирите да се извезуваат на европските пазари, а и досега е реализиран над 70 отсто од извозот на овие два производа во Косово, рече Бектеши во одговор на прашање пред почетокот на отворањето на понудите од Јавниот оглас за доделување на премии за електрична енергија произведена од фотонапонски централи.

Бектеши прецизира дека по состанокот со косовскиот колега Шаља се договориле најдоцна до почетокот на неделава Косово да достави документација дека спроведуваат активен и пасивен мониторинг за одгледување на икри и подмладок на риба и додаде дека се уште не ја добиле таквата документација.

-За нас како држава е многу важно да ги исполниме условите и барањата од Европската Унија бидејќи во најкраток можен рок ќе добиеме лиценца и дозвола за да може да извезуваме риба на европскиот пазар, рече Бектеши.

Прашан дали очекува со најавениот ребаланс наБуџетот да се скратат средства за Министерството за економија, Бектеши рече дека очекува да добијат повеќе средства.

-Во Министерството за економија нема д аима кратење на средства,напротив очекуваме да добиеше повеќе средства, имајќи во предвид дека има голем интерес од страна на граѓаните за мерките што ги спроведуваме, рече Бектеши и најави дека од 1 октомври ќе почне субвенционирањето за вградување плински уреди во возилата.

Би можело да ве интересира

Британија влезе во рецесија за првпат по кризната 2009 година

А1он

Растот на извозот од зоните заклучно со јуни 820 милиони евра

Ана Ололовска

ВИДЕО: Дуалното образование и мерката „младински додаток“ даваат резултати, вели Царовска

Ана Ололовска

Царовска: Ќе има санкции за компаниите, се испитуваат правните можности

Ана Ололовска

Последен ден за барања за поддршка на фирмите што инвестираа во пандемија

Ана Ололовска

Пандемијата ја кутна американската економија – рекорден квартален пад на БДП од 32.9 отсто

А1он