Министерот за економија, Крешник Бектеши следната недела ќе ги објави трговцитe кои не ги почитуваа мерките за замрзнати цени на зеленчукот.
– Се работи за компании кои се занимаваат со трговија, над 95% од нив се увозници и не се работи за домашно производство. За овие компании да почекаме до следната недела и јас лично ќе ги објавам. Се работи за десетина компании кои во последните години увезувале земјоделски производи и ако се затворат тие нема да биде голема штета за државата.
Во однос на тоа до каде е постапката за тоа што се појавија информации дека некои фирми доставувале лажни фактури при увоз, Бектеши рече дека последната вест е дека Царина ги доставила тие фактури на проверка во земјите од каде потекнуваат производите.