Азербејџанската авиокомпанија АЗАЛ откажа договорот вреден милијарда долари со „Боинг” за купување на 10 авиони од моделот 737 Макс.
– АЗАЛ одбива да купи 10 авиони од Боинг поради безбедносни причини, изјави Паша Кесаминси, портпарол на таа азербејџанска авио-компанија.
Најмногу продаваниот авион на „Боинг”, 737 Mакс, е приземјен во светот по катастрофата од 10 март, во која загинаа 157 луѓе, а која се случи само пет месеци по падот на ист авион на Лајон Ер во Индонезија, при што загинаа 189 лица.
Многу земји забранија 737 Макс авиони да полетуваат или слетуваат на локалните аеродроми.